საქართველოს ექს-პრეზიდენტ შევარდნაძის დაკრძალვის ცერემონიალში  წარმომადგენელი ბატონი აისავა გაიგზავნა

14 ივლისი, 2014

1. ა.წ. 13 ივლისს, იაპონიის წარმომადგენელთა პალატის წევრი ბატონი იჩირო აისავა (იაპონია-საქართველოს მეგობრობის საპარლამენტო ლიგის პრეზიდენტი), პრემიერ-მინისტრის სპეციალური წარმომადგენლის სტატუსით, დაესწრო საქართველოს ექს-პრეზიდენტ შევარდნაძის დაკრძალვის ცერემონიალს.

(სურათი) პრემიერ-მინისტრის სპეციალური წარმომადგენელი აისავა მონაწილეობს დაკრძალვის ცერემონიალში.

2. დაკრძალვის ცერემონიალს დაესწრნენ სხვადასხვა ქვეყნებიდან ჩამოსული საპატიო სტუმრები, რომლებსაც სათუთი მოგონებები აკავშირებდათ ექს-პრეზიდენტ შევარდნაძესთან. პრემიერ-მინისტრის სპეციალურ წარმომადგენელს ბატონ აისავას საუბრები ჰქონდა დაკრძალვის ცერემონიალის კომიტეტის თავმჯდომარესთან პრემიერ-მინისტრ ბატონ ირაკლი ღარიბაშვილთან, საგარეო საქმეთა მინისტრ ქალბატონ მაია ფანჯიკიძესთან და ასევე ამერიკის ყოფილ სახელმწიფო მდივანთან  ბატონ  ჯეიმს ბეიკერთან.

(სურათი) სპეციალური წარმომადგენელი ბატონი აისავა ესალმება პრემიერ-მინისტრ  ბატონ ირაკლი ღარიბაშვილს.

3. ამის გარდა, პრეზიდენტის სასახლეში ოფიციალური შეხვედრისას, ბატონმა აისავამ პრეზიდენტ მარგველაშვილს მიუსამძიმრა პრემიერ-მინისტრ შინძო აბეს სახელით. მხარეებმა აღნიშნეს ექს-პრეზიდენტ შევარდნაძის მიღწევები და გაცვალეს აზრები ორმხრივი ურთიერთობების განვითარების შესახებ. პრეზიდენტმა მარგველაშვილმა დიდი მადლობა გადაუხადა პრემიერ-მინისტრ აბეს და იაპონელ ხალხს სპეციალური წარმომადგენლის გამოგზავნისთვის და იაპონია-საქართველოს ურთიერთობების მომავალ განვითარებასთან დაკავშირებით დიდი იმედი გამოთქვა.

(სურათი) ოფიციალური შეხვედრა პრეზიდენტ მარგველაშვილთან.

4. ასევე გაიმართა აზრთა ურთიერთგაცვლა მრავალმხრივი მიმართულებით საქართველოს პარლამენტში არსებული იაპონიასთან მეგობრობის ლიგის წევრებთან მრგვალი მაგიდის გარშემო.

*　*　*　*　*　*　*　*