პროექტის „ნარჩენების შემგროვებელი მანქანის შეძენა ახალქალაქის მუნიციპალიტეტისთვის“ გახსნის ცერემონია

2022 წლის 28 აპრილს, გაიმართა პროექტის “ნარჩენების შემგროვებელი მანქანის შეძენა ახალქალაქის მუნიციპალიტეტისთვის“ გახსნის ცერემონია, რომელიც იაპონიის მთავრობამ, იაპონელი ხალხის კეთილი ნებით დააფინანსა. ღონისძიებას დაესწრნენ იპონიის ელჩი საქართველოში - მისი აღმატებულება ბ-ნი იმამურა აკირა, მაჟორიტარი დეპუტატი ახალქალაქსა და ნინოწმინდაში, ბ-ნი სამველ მანუკიანი; სახელმწიფო რწმუნებულის აპარატის უფროსი სამცხე-ჯავახეთის მხარეში,  ბ-ნი გიორგი მიქელაძე; ახალქალაქის მუნიციპალიტეტის მერი, ბ-ნი მელქონ მაკარიანი და მისი მოადგილეები.
 
პროექტის ფარგლებში, ახალქალაქის მუნიციპალიტეტმა შეიძინა ნარჩენების შემგროვებელი მანქანა, რომელიც უზრუნველყოფს ნარჩენების დროულ გატანას მუნიციპალიტეტის 9 სოფლიდან, რათა ზიანი არ მიადგეს გარემოს და ადამიანის ჯანმრთელობას. გრანტების მოცულობა: 56,000 აშშ დოლარი.