“იაპონიის ბიზნეს ფორუმის“ გახსნა

თბილისში, პირველ ნოემბერს, საქართველოში იაპონიის საელჩოსა და საქართველოს ბიზნეს ასოციაციის თანამონაწილეობით ჩატარდა „იაპონიის ბიზნეს ფორუმი“, რომლის მიზანს წარმოადგენდა იაპონია-საქართველოსა და იაპონია-აზერბაიჯანს შორის 30 წლიანი დიპლომატიური ურთიერთობების აღსანიშნავა და ბიზნეს კავშირების გაძლიერება.
 
ღონისძიების გახსნის ცერემონიაზე წაიკითხეს  იაპონიის ეკონომიკის, ვაჭრობისა და ინდუსტრიის მინისტრის, იასუტოში ნიშიმურას მისალოცი წერილი აგრეთვე, ფორუმის ფარგლებში სიტყვით გამოვიდნენ იაპონიის ელჩი საქართველოში, აკირა იმამურა, საქართველოს ეკონომიკისა და მდგრადი განვითარების მოადგილე, გენადი არველაძე და საქართველოს ბიზნეს ასოციაციის პრეზიდენტი, სამსონ ფხაკაძე.
 
პრეზენტაციები და დისკუსიები გაიმართა სამ თემატურ პანელზე (კავკასია: მდგრადი ბიზნესის ჰაბი, კავკასია: შუა დერეფანი, ენერგია და კლიმატის გამოწვევები), რომელშიც მონაწილეობა მიიღეს იაპონიის, საქართველოს და აზერბაიჯანის საჯარო და კერძო სექტორების წარმომადგენლებმა.