პროექტის გახსნის ცერემონია: მძიმე ტექნიკის შეძენა გორის მუნიციპალიტეტში ინფრასტრუქტურული სამუშაოებისთვის იაპონიის საელჩოს მიერ დაფინანსებული „ადამიანის უსაფრთხოების ადგილობრივი საგრანტო პროგრამა“

2019 წლის 10 ოქტომბერს, სოფელ კვარხეთში (მეჯვრისხევის თემი, გორის მუნიციპალიტეტი, შიდა ქართლის რეგიონი) გაიმართა პროექტის გახსნის ცერემონია: მძიმე ტექნიკის შეძენა გორის მუნიციპალიტეტში ინფრასტრუქტურული სამუშაოებისთვის. პროექტი განხორციელდა იაპონიის საელჩოს მიერ დაფინანსებული „ადამიანის უსაფრთხოების ადგილობრივი საგრანტო პროგრამის“ ფარგლებში. ღონისძიებას ესწრებოდნენ იაპონიის ელჩი საქართველოში – მისი აღმატებულება ბატონი ტადაჰარუ უეჰარა, გორის თვითმმართველობა ადგილობრივი მოსახლეობის წარმომადგენლებთან ერთად.

პროექტის საგრანტო ხელშეკრულებას ხელი მოეწერა 2019 წლის 6 მარტს, გორის მუნიციპალიტეტსა და იაპონიის საელჩოს შორის. პროექტის ფარგლებში იაპონიის მთავრობამ გამოყო გრანტი გორის მუნიციპალიტეტში, ინფრასტრუქტურული სამუშაოებისთვის მძიმე ტექნიკის შესაძენად. ყოველწლიურად, აღნიშნული ტექნიკით რეაბილიტირდება და გაიწმინდება დაახლოებით 8 კმ სასმელი წყლის არხი, 8 კმ გზა და 8 კმ სარწყავი არხი, რაც სარგებელს მოუტანს სოფლად მცხოვრებ 77 ათასზე მეტ მოსახლეს გორის მუნიციპალიტეტში, მათ შორის 2008 წლის 7 აგვისტოს ომით დაზარალებულ სოფლებში. გრანტის მოცულობამ შეადგინა 61’000 აშშ დოლარი.

 
 
                                                                                 ადგილმდებარეობა