იაპონური თოჯინების გამოფენა

20 აპრილს, სიღნაღის ისტორიულ-ეთნოგრაფიულ მუზეუმში ჩატარდა იაპონური თოჯინების გამოფენის გახსნის ცერემონია, რომელსაც ესწრებოდნენ კახეთის სახელმწიფო რწმუნებული-გუბერნატორი ირაკლი ქადაგიშვილი, საქართველოს ეროვნული მუზეუმის დირექტორი დავით ლორთქიფანიძე, სიღნაღის მერი გიორგი გოგილაშვილი და სხვა საპატიო სტუმრები.
გამოფენა ორგანიზებულია იაპონიის საელჩოსა და იაპონიის ფონდის მიერ. გამოფენაზე წარმოდგენილია 70 თოჯინა იაპონიის სხვადასხვა რეგიონებიდან. გამოფენა გაგრძელდება 31 მაისამდე.