| GGP/GCGP-ს შესახებ   |    განხორციელებული პროექტები    |      კითხვა-პასუხი    |      განაცხადის შევსება     |

კითხვა:შესაძლებელია პროექტის დაფინანსება იყოს 10,000,000 იენზე მეტი?
პასუხი: ძირითად შემთხვევაში არა. მაგრამ გამონაკლისი დაშვებულია. ნებისმიერ შემთხვევაში რეკონდირებლი არ არის იმ თანხის მეტი მიღება ვიდრე ის რაც აღნიშნულია სააპლიკაციო სექციაში.

კითხვა: რომელ ენაზე ივსება განაცხადი?
პასუხი: ყველა საბუთი და ოფიციალური კორესპონდენცია უნდა იყოს წარმოდგენილი მხოლოდ ინგლისურ ენაზე. გამონაკლისის სახით , სატელეფონო საუბრები და მოკლე კორესპონდენცია სურვილისამებრ შეიძლება განხორციელდეს საელჩოს წარმომადგენლების სასურველ ენაზე.

კითხვა: შეიცავს თუ არა საგრანტო თანხა არასამთავრობო ორგანიზაციის წევრების ხელფასს?
პასუხი: არა, საგრანტო ფონდები , გამოიყენება მხოლოდ ტექნიკური კომპონენტისათვის, და დაუშვებელია მათი გამოყენება ადმინისტრაციული ან სახელფასო ხარჯებისათვის.

კითხვა:არის თუ არა თანადაფინანსება საპროექტო განაცხადის აუცილებელი პირობა.
პასუხი:აპლიკანტის მიერ თანადაფინანსება მისასალმებელია, მაგრამ აუცილებლობას არ წარმოადგენს.

კითხვა: ჩვენი ორგანიზაცია დაარსდა 3 წელზე ადრე, მაგრამ რეგისტრირებულია მხოლოდ 2 წლის წინ. ამ შემთხვევაში შეგვიძლია განაცხადის წარდგენა?
პასუხი:სამწუხაროდ, არა! მხოლოდ ის ორგანიზაციები, რომლებსაც სამ წელზე მეტი პრაქტიკული და იურიდიული გამოცდილება აქვთ, მიიღებენ მონაწილეობას საგრანტო კონკურსში.

კითხვა: თუ გაქვთ გამოცხადებული საკონკურსო ვადები?
პასუხი: მიუხედავად იმისა, რომ მთელი წლის განმავლობაში შეგვიძლია სააპლიკაციო საბუთების მიღება, დოკუმენტაცია განიხილება სააპლიკაციო სექციაში მითითებული ვადების პერიოდში. ფისკალური წლის განმავლობაში რამოდენიმე საბოლოო ვადა გვაქვს.

კითხვა: ერთზე მეტი პროექტის წარდგენის უფლება თუ გვაქვს?
პასუხი: არა, ორგანიზაციას უფლება აქვს წარადგინოს მხოლოდ ერთი საპროექტო განაცხადი.

კითხვა: როგორია პროექტის ხანგრძლივობა?
პასუხი: პროექტი უნდა განხორციელდეს ერთი წლის ვადაში საგრანტო ხელშეკრულებაზე ხელის მოწერის დღიდან. პროექტის “მდგრადობა” უნდა შენარჩუნდეს მინიმუმ 10 წლის განმავლობაში. შესაბამისად, “მდგრადობის”კომპონენტს აქვს უპირატესობა.

კითხვა: როგორ ამოწმებს საელჩო პროექტის განხორციელებას?
პასუხი: საგრანტო ხელშეკრულების ხელმოწერის შემდეგ , საელჩო ავალდებულებს პროექტის პარტნიორს, წარმოადგინოს პროექტის მსვლელობის ანგარიშები. მონიტორინგის გუნდი ხშირად ახორციელებს პროექტის შემოწმებას. აგრეთვე პროექტის დასრულებისას საელჩოს მიერ დაქირავებული დამოუკიდებელი აუდიტორული კომპანია ახორციელებს პროექტის ფინანსურ და ფიზიკურ შემოწმებას.

კითხვა: რა პერიოდში გავიგებთ შერჩევის პასუხს?
პასუხი: საბუთების მიღების ბოლო ვადიდან სამი თვის შემდეგ მხოლოდ გამარჯვებული აპლიკანტები მიიღებენ პასუხს.

კითხვა: რატომ უზრუნველჰყოფს იაპონია საქართველოს ფინანსურ მხარდაჭერას?
პასუხი: საქართველოს გარდა გრასრუტის პროექტები ფინანსდება მსოფლიოს სხვადასხვა 100-ზე მეტ ქვეყანაში. იაპონიის ხალხს და მთავრობას სურს, დაეხმაროს განვითარებად საზოგადოებას მატერიალურად, რათა მოხდეს თანამედროვე უსაფრთხო და სტაბილურ გარემოსთან ინტეგრაცია.